- （截圖自田北辰FB）
【香港輕新聞】新民黨立法會議員田北辰在社交網站上載泳照，撐特首梁振英日前關於興建中環泳棚，方便上班族午飯後游水的提議，說提議是可行的，引起網民質疑。他昨晚又表態，指網民叫他跳海，「聞說CY游水好叻」，希望梁振英可以陪他一起「跳海」。
田北辰昨日在FB發布相片，戴白色泳帽，手持香蕉及雪梨，稱要試試1小時是否夠時間游完水再食飯，而結果是「得嘅！」田二少又好心提示，因為食飽不適合即刻游水，所以「一定要游完水先好食嘢」。而游完水之後，因為身體較易吸引營養，所以為Keep fit，游完唔好食得「太Heavy」，「好似我咁食生果就最慳時間又健康啦」。
不過貼文隨即引起網民批評，認為他是「離地」，不明白平民生活，說他「你係老闆，我係打工仔」，「你食3個鐘飯，排埋毒都仲得啦」，「我捱成日叫我食條蕉做lunch？」又有網友抽水，「不如G2000員工做先」、「為特首護航都唔好咁核突」
至晚上，田北辰又發文，稱「有網友叫我去跳海，都有得諗」，但表明要找人陪伴，因為「一向就游開泳池，跳到落維港，風高浪急，真係驚驚地」。又稱，「聞說CY游水好叻，個中環泳棚建議又係佢提出，有佢陪我壯吓膽就好好多啦，不如各位幫吓手遊說佢得唔得？」最後還十分鬼馬地寫上「#you_jump_i_jump」。
昨日，田北辰哥哥、自由黨榮譽主席田北俊昨日出席電台節目時，亦對特首的提議發表看法，批評建議不可行。
留言
張貼留言