【香港輕新聞】近日，一間廣告公司於網上發帖文，指將舉辦「家長日」，邀請員工的父母一起上班，體驗廣告創作過程，並即場解答他們「點解咁夜收工」等問題。邀請信更設計成學校的通告，家長可「簽署」回條答覆。不少網民大讚創意十足，「今次真係帶阿媽返工」。
家長需簽「回條」答覆出席「家長日」與否
21日，廣告營銷集團The Bees Group旗下的「Secret Tour Hong Kong」於facebook上發文，表示將於下星期一（26日）舉辦「家長日」，邀請員工帶同自己的父母上班，感受子女的工作。貼文短短時間，獲逾2000人讚好。
作為廣告公司，這一封邀請函亦設計得相當具創意，與中學生的家長日通告非常相似。邀請函寫道，此活動旨在解答「究竟你返工係做乜野架？」、「全日返工係到諗橋唔洗做野咪好歎？」、「點解又咁夜收工？」、「女仔人家整到啲皮膚差晒。」及「你係咪即係做舖頭啲廣告膠牌架？」五大範疇，員工還需要在其父母簽署回條後，交回公司。
員工反應熱烈 多名家長願意出席
Secret Tour Hong Kong負責人Stephen Chung接受《TOPick》查詢時指，不少廣告人的家人對其工作都存有誤解，公司希望透過這個「家長日」，讓他們對廣告工作加深了解，而其爸媽亦會出席。在家長日當天，員工將與化身為實習生的父母一起工作。據指，員工反應相當熱烈，已有15名家長答應出席。
The Bees Group行政總裁曾錦強亦表示，將會出席「家長日」，向員工父母分享行業苦樂。曾錦強指出集團一向重視家庭，「是核心的價值觀，任何成功都建基於家庭。」。
網民大讚有意思：最少都要佢地OT返幾粒鐘
不少網民對認為廣告公司這個做法非常有意思，有人留言指，「會唔會睇住自己仔女俾人鬧」、「我先偽裝成家長，表現出色，兼完成一份urgent文案，最後聘請咗」、「好想有直播」。亦有人指自己也希望能「帶阿媽出席」。
https://www.litenews.hk/?p=46280
留言
張貼留言